Stranja—2022. Abdumalik Halokov va Odiljon Aslonov yarim finalda, uch nafar o‘zbekistonlik bokschi musobaqadagi ishtirokini yakunladi

Bolgariyaning Sofiya shahrida 24-fevral, payshanba kuni boks bo‘yicha xalqaro an’anaviy Stranja Kubogining beshinchi kungi bahslari bo‘lib o‘tdi.

-57 kg vazn toifasida Abdumalik Halokov qozog‘istonlik Orazbek Asilkulovni mag‘lub etib, yarim finalga yo‘l oldi. Odiljon Aslonov esa angliyalik Jorj Krotti ustidan ishonchli g‘alabaga erishib, yarim final masalasini hal qildi. Saidjamshid Ja’farov ukrainalik, Jahongir Rahmonov esa qozog‘istonlik bokschiga mag‘lub bo‘lib, musobaqa bilan xayrlashdi.

Shu va boshqa natijalar bilan quyida tanishing:

Erkaklar:

• -57 kg: Abdumalik Halokov — Orazbek Asilkulov (Qozog‘iston) 5:0
• -63,5 kg: Mujibillo Tursunov — Krasimir Jurov (Bolgariya) 5:0
• -67 kg: Jahongir Rahmonov — Dulat Bekbayov (Qozog‘iston) 0:5
• -75 kg: Saidjamshid Ja’farov — Oleksandr Kjniyak (Ukraina) 0:5
• -80 kg: Odiljon Aslonov — Jorj Krotti (Angliya) 4:1.

• -52 kg: Tursunoy Rahimova — Svetlana Solyanova (Rossiya) 5:0
• -81 kg: Sohiba Ro‘zmetova — Anastasiya Bayazitova (Qozog‘iston) 0:5.