Andijon viloyati Andijon tumanida 23-fevral kuni Mercedes-Benz yuk mashinasini quvib o‘tmoqchi bo‘lgan Spark boshqaruvni yo‘qotib, yo‘l chetidagi archaga borib urilgan va ag‘darilib ketgan, deya xabar bermoqda “Daryo” muxbiri.
Ma’lum bo‘lishicha, yo‘l-transport hodisasi shu kuni soat 16:40 larda Andijon tumani “Mingo‘rik” mahallasi hududidan o‘tuvchi 4R-112 Farg‘ona halqa yo‘li avtomobil yo‘lining 156-kilometrida sodir bo‘lgan. Andijon shahrida yashovchi A.D. Spark avtomashinasini boshqarib borayotib, o‘zi bilan bir xil yo‘nalishda oldinda harakatlanib borayotgan Asaka tumanida yashovchi M.M. boshqaruvidagi Mercedes-Benz rusumli yuk mashinasining o‘ng tomonidan quvib o‘tmoqchi bo‘lgan. Quvib o‘tish vaqtida yuk mashinasining o‘ng qismiga tegib, boshqaruvni yo‘qotgan va yo‘l chetidagi archa daraxtiga borib urilib, ag‘darilgan.
Oqibatda Spark yo‘lovchisi A.M. (2021-yilda tug‘ilgan) tan jarohati olib shifoxonaga olib kelingan. Ko‘rsatilgan tibbiy muolajalarga qaramasdan vafot etgan.
Aniqlanishicha, Spark haydovchisiga 30-yanvar kuni quvib o‘tish qoidasini buzgani hamda 9-fevral kuni xavfsizlik kamaridan foydalanmagani uchun jarima jazosi tayinlangan.
Mavzuga doir:
- O‘zbekiston yo‘llarida: Toshkentda Spark uy devoriga urildi, Andijonda Malibu va Kia to‘qnashdi
- Namanganda qizil chiroqda o‘tgan Isuzu Damas’ni ag‘anatdi, Samarqandda Cobalt Mercedes bilan to‘qnashdi. 17-fevralda sodir bo‘lgan YTHlar
- Jizzaxda to‘qnashuv oqibatida ikki yo‘lovchi vafot etdi, Toshkentda bir-biriga urilgan ikki mashina ag‘anadi. YTHlar tafsiloti
Izoh (0)