Andijon viloyatining Bo‘ston va Shahrixon tumanlarida fuqarolarning o‘qishini ko‘chirib berishni va’da qilgan firibgarlar ushlandi. Bu haqda Iqtisodiy jinoyatlarga qarshi kurashish departamenti xabar qildi.
Qayd etilishicha, Bosh prokuratura huzuridagi departament hamda DXXning Bo‘ston tumani bo‘limlari tomonidan tezkor tadbir o‘tkazilgan. Unda fuqaro J.U. va boshqalar fuqaro S.T.ning ishonchiga kirib, uning Qirg‘iziston universitetidagi o‘qishini tanishlari yordamida Andijon davlat universitetiga ko‘chirib berishini aytgan. U xizmati evaziga 1 ming 800 dollarni o‘zi faoliyat olib borayotgan “N.A” MChJ ishchisi M. orqali olgan vaqtida ashyoviy dalillar bilan ushlangan.
Shuningdek, departament hamda DXXning Shahrixon tumani bo‘limlari tomonidan tezkor tadbir o‘tkazilgan. Unda fuqaro M.M. fuqaro Q.Q.ning o‘qishini Qirg‘iziston O‘sh davlat universitetidan Andijon davlat tibbiyot institutiga ko‘chirib berish evaziga 1 ming 300 dollarni olgan vaqtida ashyoviy dalillar bilan ushlangan.
Mazkur holatlar yuzasidan Jinoyat kodeksining 168-moddasi (firibgarlik) 28, 211-moddasi (pora berish) bilan jinoyat ishlari qo‘zg‘atilib, tergov harakatlari o‘tkazilmoqda.
Mavzuga doir:
- Qashqadaryoda Milliy gvardiyaga ishga kiritib qo‘yish uchun 4 ming dollar olgan shaxs ushlandi
- Surxondaryoda xorij universiteti diplomini qariyb 1700 dollarga nostrifikatsiya qilib berishini va’da qilgan shaxs qo‘lga olindi
- Toshkentda 900 dollarga “prava”ni imtihonsiz olib bermoqchi bo‘lgan shaxslar ushlandi
Izoh (0)