Jinoyat ishlari bo‘yicha Yakkasaroy tuman sudining 14-fevraldagi qarori bilan Ma’muriy javobgarlik to‘g‘risidagi kodeksining 201-moddasi 2-qismida (diniy yig‘ilishlar, ko‘cha yurishlari va boshqa diniy marosimlar o‘tkazish qoidalarini buzish) nazarda tutilgan huquqbuzarlikni sodir etgan, deb topilgan F. R. ishi bo‘yicha sud qarori e’lon qilindi. Bu haqda Oliy sud xabar bermoqda.
F.R. Toshkent shahar Yakkasaroy tumanida joylashgan GTA Showroom MChJ binosi hududida joylashgan xonalarda o‘z ishchi xodimlari va korxonaga kelgan mijozlarga namoz amallarini ado etish uchun sharoitlar yaratib bergani aniqlangan.
Sud majlisida u o‘ziga tegishli korxonada namoz o‘qish uchun sharoit yaratib berganini tan olib, yomon niyati bo‘lmaganini, qilgan ishidan pushaymonligini bildirgan.
Qayd etilishicha, F.R.ga (1987-yilda Navoiy viloyatida tug‘ilgan) bazaviy hisoblash miqdorining 80 baravari miqdorida jarima jazosi tayinlangan.
“Ijtimoiy tarmoqlarda muhokama va tortishuvlarga sabab bo‘layotgan mazkur sud qarorining qonuniyligiga yuqori instansiya sudi tomonidan huquqiy baho berilishini eslatib o‘tamiz”, — deyiladi xabarda.
Mavzuga doir:
- Samarqandda gaz yo‘qligi sabab norozilik bildirib, yo‘lni to‘sgan fuqarolarning ikki nafari 5 sutkaga qamaldi, 11 nafariga jarima tayinlandi
- “Qo‘yliq” bozori buzilishidan norozi bo‘lib yo‘l to‘sgan shaxslar qamoqqa olindi
- Jizzaxda “sehr-jodu qilish” bilan shug‘ullanib kelgan shaxs ushlandi. Unga hokim va deputat bo‘lishni so‘rab kelganlar ham bor
Izoh (0)