Ijtimoiy tarmoqlarda Toshkent metropolitenida poyezd yo‘lovchilarni tushirib harakatlangani aks etgan videolavha tarqaldi. Metropoliten axborot xizmati holatga munosabat bildirdi.
Qayd etilishicha, Abdulla Qodiriy metro bekatida 65-sonli harakat tarkibi soat 13:55 da texnik nosozlik aniqlangani sababli ushbu bekatda yo‘lovchilarni tushirgan.
Shundan so‘ng, Yunus Rajabiy bekatida harakatlanayotgan 62-sonli poyezd ham yo‘lovchilarni bekatda qoldirib, 65-marshrutni depo tomon harakatlantirgan.
Soat 14:10 dan boshlab poyezdlar qatnovi doimiy grafik asosida o‘z ish faoliyatini davom ettirgan.
Eslatib o‘tamiz, shu kabi holat 5-fevral kuni ham sodir bo‘lgandi — “Xalqlar do‘stligi” va “Milliy bog‘” bekatlari oralig‘ida harakatlanib kelayotgan 4-sonli harakat tarkibida texnik nosozlik kuzatilgan va poyezd harakatdan to‘xtagan. Shuningdek, 6-fevral kuni metro poyezdi “Mustaqillik maydoni” bekatida to‘xtab qolgan.
Izoh (0)