Prezidentning Navoiy viloyatiga “erkin iqtisodiy zona” maqomini berish to‘g‘risidagi topshirig‘i bilan xorijlik investorlar bilan elektrokar zavodi qurish bo‘yicha kelishuvga erishildi. Bu haqda “Xalq so‘zi online” xabar berdi.
Qayd etilishicha, hududdagi yuzga yaqin korxonaga 120 dan ortiq loyiha bo‘yicha erkin iqtisodiy zona ishtirokchisi maqomi berilgan. Mazkur loyihalarning umumiy qiymati qariyb 1 milliard dollar atrofida bo‘lib, shundan to‘g‘ridan to‘g‘ri xorijiy investitsiyalar salkam 300 million dollarni tashkil etadi. Shu kunga qadar faoliyatini to‘liq boshlagan loyihalar asosida 5 mingdan ortiq doimiy ish o‘rinlari yaratilgan.
Eksportchilar uyushmasi raisi Sardor G‘affarovning tashabbusi bilan AQSh va Koreyadan investorlar taklif etilib, viloyat hokimi vazifasini bajaruvchi Normat Tursunov tomonidan qabul qilingan.
Muzokaralar davomida amerikalik investor Isaak Tomas bilan Navoiyda elektrokar zavodi qurilishiga kelishilgan. Shuningdek, koreyalik investorlar bilan o‘zaro hamkorlikni yo‘lga qo‘yish bo‘yicha bir qator loyihalar muhokama qilingan. Shu asosda hududning eksport imkoniyatini oshirishga yo‘naltirilgan bir qator mega loyihalarga start beriladi.
Mavzuga doir:
- “Xitoyda birinchi, dunyoda ikkinchi” — O‘zbekistonda elektromobil ishlab chiqarishni yo‘lga qo‘yishi mumkin bo‘lgan BYD kompaniyasi haqida nimalar ma’lum?
- O‘zbekistonda elektromobil tarmog‘ini rivojlantirish strategiyasi ishlab chiqiladi
- O‘zbekiston elektromobillar davriga qanday o‘tmoqda? Narxlar, imtiyozlar va shaxsiy tajriba
Izoh (0)