Farg‘ona viloyatida 30 nafar talabaning o‘qishini pul evaziga Qirg‘izistondan O‘zbekistonga ko‘chirib berishni va’da qilgan shaxslar qo‘lga olindi, deb xabar beradi Bosh prokuratura huzuridagi departament.
Ma’lum qilinishicha, departament hamda DXXning Farg‘ona viloyati boshqarmalari tomonidan tezkor tadbir o‘tkazilgan. Tadbirda Sh.I., M.A., J.O. va N.U. ismli shaxslar fuqaro M.ga O‘sh davlat universitetida tahsil olayotgan 30 nafar talabaning o‘qishini O‘zbekistondagi oliy ta’lim muassasalariga ko‘chirib berishni va’da qilgani aniqlangan. Buning evaziga ular 67 ming dollarni olgan vaqtida ashyoviy dalillar bilan ushlangan.
Mazkur holat yuzasidan Jinoyat kodeksining 168-moddasi (firibgarlik) bilan jinoyat ishi qo‘zg‘atilib, tergov harakatlari o‘tkazilmoqda.
Avvalroq Qashqadaryoda fuqarodan ukasi va jiyanining xorijdagi o‘qishini QarDUga ko‘chirib berish uchun 6 ming dollar olgan shaxs ushlangani, Qoraqalpog‘istonda 29 nafar abituriyentni o‘qishga kiritish evaziga 83 ming dollar olgan shaxs qo‘lga olingani to‘g‘risida xabar berilgandi.
Mavzuga doir:
- Toshkentda fuqaroning Qozog‘istondagi o‘qishini Samarqand tibbiyot institutiga ko‘chirib berish evaziga 5 ming dollar olgan shaxs ushlandi
- Buxoroda fuqaroni o‘qishga kiritishni va’da qilib, 60 mln so‘m so‘ragan ikki talaba ushlandi
- Samarqandda harbiy oliygohlar va Temurbeklar maktabiga o‘qishga kiritishini aytib, fuqarolardan qariyb 10 500 dollar pul olgan ayol qo‘lga olindi
Izoh (0)