Ish beruvchilar o‘z qo‘l ostidagi ishchi-xizmatchilarning koronavirusga qarshi emlanishiga mas’ul bo‘ladi. Bu haqda Sog‘liqni saqlash vazirligi xabar qildi.
Respublika maxsus komissiyasining navbatdagi yig‘ilishida koronavirus pandemiyasi sababli joriy qilingan muayyan cheklovlarni olib tashlash masalasi muhokama qilindi.
Ish beruvchilarga qo‘l ostidagi ishchi-xizmatchilarning koronavirus infeksiyasiga qarshi emlanganlik, shu jumladan, buster doza bilan emlanish darajasi 90 foizdan kam bo‘lmasligiga erishish majburiyati yuklatildi.
Davlat organlari, xo‘jalik yurituvchi subyektlar va boshqa tashkilotlar xodimlarining koronavirus infeksiyasiga qarshi, shu jumladan, buster doza bilan emlanmaganligi aniqlanganda, ular vaqtinchalik ishdan chetlashtiriladi.
Xodim koronavirus infeksiyasiga qarshi buster doza bilan emlanishni rad etganda, ish beruvchi tomonidan uning vaqtincha ishdan chetlashtirilishini Sanitariya-epidemiologik osoyishtalik va jamoat salomatligi xizmati qat’iy nazoratga oladi.
Izoh (0)