Italiyaning yetakchi jamoalari “Barselona” hujumchisi Memfis Depayga qiziqish bildirmoqda.
Niderlandiyalik futbolchiga “Inter”, “Milan” va “Yuventus” tomonidan takliflar bor, deya xabar beradi Diario Sport. Uchala klub ham transfer borasida 28 yoshli futbolchining vakillari bilan bog‘langan.
Depayning o‘zi esa “Barselona”ni tark etishni istamayapti. Ammo kataloniyaliklar unga kam o‘yin amaliyoti berishda davom etsa, Memfis ketishga majbur bo‘ladi.
Depay 2021/22-yilgi mavsum La Ligada 16 o‘yinda maydonga tushib, 8 ta gol urdi.
Niderlandiyalik hujumchi 2021-yilning yozida “Lion”dan erkin agent maqomida katalonlar safiga qo‘shilgandi. Uning “Barsa” bilan amaldagi shartnomasi 2023-yil yozigacha mo‘ljallangan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)