Nursulton Ro‘ziboyevning navbatdagi jangi sanasi va raqibi nomi ma’lum bo‘ldi

O‘zbekistonlik MMA jangchisi Nursulton Ro‘ziboyev (34-9-2) Bahrayndagi jang kechasida oktagonga chiqadi.

11-mart kuni bo‘lib o‘tishi rejalashtirilayotgan Brave CF 57 turnirida o‘zbekistonlik sportchiga braziliyalik Luis Filipe Dias (15-3) raqiblik qiladi.

Qayd etish joiz, Ro‘ziboyev 20-fevral sanasida Octagon va U1 promoushenlari hamkorligida Toshkentda o‘tgan MMA kechasida braziliyalik Luchiano Kontinini (14-5) 1-raunndayoq taslim etgandi.

Luis Filipe Diasning so‘nggi jangi 2020-yil 23-avgust kuni braziliyalik Vanilto Antunesga qarshi bo‘lib o‘tgan. Dias 1-raunddayoq raqibi ustidan g‘alaba qozongan.

Eslatib o‘tamiz, Nursulton Ro‘ziboyev 2021-yil fevralida shtab-kvartirasi Bahraynda joylashgan Brave CF promousheni bilan shartnoma imzolagandi.