Озарбайжон ҳукумати Ўзбекистон ва яна 16 давлат фуқароларининг мамлакатга ҳаво транспорти орқали эркин кириши мумкинлиги ҳақида қарор қабул қилди, деб хабар беради «Дунё» агентлиги.
Мамлакатнинг Бокудаги элчихонасидан олинган маълумотга кўра, ушбу ҳужжатга мувофиқ, Ўзбекистон фуқаролари коронавирусга қарши эмлашнинг тўлиқ курсини олганини тасдиқловчи расмий сертификат ёки COVID-19 вирусидан соғайгани тўғрисидаги расмий сертификат асосида Озарбайжон Вазирлар Маҳкамаси ҳузуридаги тезкор штабдан рухсат олмасдан, ҳаво транспорти орқали ушбу мамлакатга кириши мумкин.
Шунингдек, жўнашдан олдин 72 соатгача бўлган муддатда олинган ПЗР-тестининг манфий натижаси ҳақидаги сертификат ҳам талаб қилинади.
Uzbekistan Airways’нинг маълум қилишича, Ҳиндистонга жўнаб кетишни режалаштираётган ўзбекистонликлар учун ҳам бир қатор талаблар жорий этилган.
Таъкидланишича, йўловчилар қуйида келтирилган талабларни бажаришлари шарт:
- Ҳиндистонга кириш учун амалдаги саёҳат ҳужжатини;
- ПЗР (COVID-19 RT-PCR) тестининг инглиз тилидаги манфий натижасини;
- Тўлиқ тўлдирилган сўровномани;
- Ҳиндистон томонидан сўровнома қабул қилинганининг тасдиғини тақдим этиши лозим.
Изоҳ (0)