2021-yilda global savdo pandemiyadan avvalgi darajaga qaytdi, biroq 2022-yilda savdo ko‘rsatkichlari tushib ketishi mumkin — BMT

2021-yilning to‘rtinchi choragida import va eksport pandemiyadan oldingi darajadan yuqoriroq bo‘ldi. Global savdo 28,5 trln dollarni tashkil qildi. Bu haqda BMT savdo va taraqqiyot konferensiyasi (UNCTAD) xabar bermoqda. 

Qayd etilishicha, o‘tgan yilda rivojlanayotgan mamlakatlarda tovarlar savdosi rivojlangan mamlakatlarga qaraganda kuchliroq o‘sdi.

UNCTAD 17-fevralda Global savdo yangilanishini e’lon qildi. Unga ko‘ra 2021-yilda jahon tovarlar savdosi oshdi va xizmatlar savdosi nihoyat COVID-19’dan oldingi darajaga qaytdi.

Umuman olganda, jahon savdosining qiymati 2021-yilda rekord darajaga – 28,5 trillion dollarga yetdi, — deyiladi hisobotda. 

Bu 2020-yilga nisbatan 25 foizga va 2019-yilga nisbatan 13 foizga ko‘pdir.

Xizmatlar savdosi 50 milliard dollarga oshib, 1,6 trillion dollarga yetdi. Bu pandemiyadan oldingi darajadan biroz yuqoriroq.

Rivojlanayotgan mamlakatlarda savdoning o‘sishi

2021-yilda rivojlanayotgan mamlakatlar eksporti 2020-yilning shu davriga nisbatan qariyb 30 foizga, rivojlangan mamlakatlarda esa 15 foizga yuqori bo‘lgan.

Tovarlar bahosi oshgani sababli ularni eksport qiluvchi davlatlarda o‘sish yuqoriroq bo‘ldi, 

2022 yil uchun prognozlar

UNCTAD hisobotida aytilishicha, savdo o‘sishi 2022 yilning birinchi choragida sekinlashadi.

Tovarlar va xizmatlar savdosi bo‘yicha ham kam miqdorda bo‘lsada ijobiy o‘sish sur'atlari kutilmoqda. 

“2021-yilda xalqaro savdodagi ijobiy tendentsiya asosan tovar narxlarining oshishi, pandemiya cheklovlarining pasayishi va iqtisodiy rag‘batlantirish paketlari tufayli talabning kuchli tiklanishi natijasi bo‘ldi”, deyiladi hisobotda.

Xalqaro savdodagi tovar narxlarining o‘sish ko‘rsatkichlari susayishi mumkinligi sababli, tendensiyalar 2022-yilda normallashishi kutilmoqda.

Hisob-kitoblarga ko‘ra, 2022-yilda savdo o‘sishi kutilganidan past bo‘lishi mumkin.

Bundan tashqari, savdo shakllari ekologik jihatdan barqaror mahsulotlarga global talab ortib borayotganini aks ettirishi kutilmoqda.

Avvalroq pandemiya davrida dunyoda qurol-yarog‘ savdosi oshgani haqida xabar berilgan edi.