2021 йилнинг тўртинчи чорагида импорт ва экспорт пандемиядан олдинги даражадан юқорироқ бўлди. Глобал савдо 28,5 трлн долларни ташкил қилди. Бу ҳақда БМТ савдо ва тараққиёт конференцияси (UNCTAD) хабар бермоқда.
Қайд этилишича, ўтган йилда ривожланаётган мамлакатларда товарлар савдоси ривожланган мамлакатларга қараганда кучлироқ ўсди.
UNCTAD 17 февралда Глобал савдо янгиланишини эълон қилди. Унга кўра 2021 йилда жаҳон товарлар савдоси ошди ва хизматлар савдоси ниҳоят COVID-19’дан олдинги даражага қайтди.
Умуман олганда, жаҳон савдосининг қиймати 2021 йилда рекорд даражага – 28,5 триллион долларга етди, — дейилади ҳисоботда.
Бу 2020 йилга нисбатан 25 фоизга ва 2019 йилга нисбатан 13 фоизга кўпдир.
Хизматлар савдоси 50 миллиард долларга ошиб, 1,6 триллион долларга етди. Бу пандемиядан олдинги даражадан бироз юқорироқ.
Ривожланаётган мамлакатларда савдонинг ўсиши
2021 йилда ривожланаётган мамлакатлар экспорти 2020 йилнинг шу даврига нисбатан қарийб 30 фоизга, ривожланган мамлакатларда эса 15 фоизга юқори бўлган.
Товарлар баҳоси ошгани сабабли уларни экспорт қилувчи давлатларда ўсиш юқорироқ бўлди,
2022 йил учун прогнозлар
UNCTAD ҳисоботида айтилишича, савдо ўсиши 2022 йилнинг биринчи чорагида секинлашади.
Товарлар ва хизматлар савдоси бўйича ҳам кам миқдорда бўлсада ижобий ўсиш суръатлари кутилмоқда.
«2021 йилда халқаро савдодаги ижобий тенденция асосан товар нархларининг ошиши, пандемия чекловларининг пасайиши ва иқтисодий рағбатлантириш пакетлари туфайли талабнинг кучли тикланиши натижаси бўлди», дейилади ҳисоботда.
Халқаро савдодаги товар нархларининг ўсиш кўрсаткичлари сусайиши мумкинлиги сабабли, тенденциялар 2022 йилда нормаллашиши кутилмоқда.
Ҳисоб-китобларга кўра, 2022 йилда савдо ўсиши кутилганидан паст бўлиши мумкин.
Бундан ташқари, савдо шакллари экологик жиҳатдан барқарор маҳсулотларга глобал талаб ортиб бораётганини акс эттириши кутилмоқда.
Аввалроқ пандемия даврида дунёда қурол-яроғ савдоси ошгани ҳақида хабар берилган эди.
Изоҳ (0)