Shavkat Mirziyoyev huzurida 2022-yilda bojxona ma’murchiligini yanada takomillashtirish va sohani korrupsiyadan xoli tizimga aylantirish bo‘yicha ustuvor vazifalar yuzasidan yig‘ilish boshlangani to‘g‘risida xabar berilgandi. Yig‘ilishda bojxona xodimlarining halol ishlashini ta’minlash va ularning ijtimoiy himoyasini kuchaytirish — korrupsiyaga qarshi kurashishda eng muhim masala ekani ta’kidlangan.
Shu munosabat bilan:
- bir oy muddatda bitta postda 3 yil ishlagan xodimlar rotatsiya qilinadi;
- 1-martdan barcha bojxona xodimlari faqat ochiq tanlov asosida ishga qabul qilinadi;
- bojxona tizimida xodimlar daromadi va mol-mulkini deklaratsiya qilish joriy etiladi;
- bojxona xodimlarining faoliyati samarasiga qarab, ish haqiga 50 foizgacha qo‘shimcha ustama to‘lanadi. Bu ustamalar aniq ko‘rsatkichlar (KPI) asosida belgilanadi;
- olis va sharoiti og‘ir postlarda ishlayotgan xodimlar ish haqiga qo‘shimcha ustamalar joriy etiladi;
- bojxona xodimlariga maxsus unvon uchun ustamalar miqdori oshiriladi.
Mavzuga doir: “Bojxona tizimi pastdan boshlab eng yuqori bo‘g‘ingacha o‘zgarishi kerak” — Shavkat Mirziyoyev
Izoh (0)