AOKAda o‘tkazilgan brifingda “O‘zagroinspeksiya” axborot xizmati rahbari Xolida Shodiyeva yog‘-moy korxonalarida nazorat tadbirlarini tashkil etish yuzasidan ma’lumot berdi.
Qayd etilishicha, 2022-yilning shu davriga qadar 550 ga yaqin yog‘-moy korxonalarida tekshirishlar o‘tkazilgan. Korxonalardan 322 tasining faoliyati paxta texnik chigitini, 100 tasi boshqa moyli o‘simliklarni qayta ishlash faoliyati bilan, 97 tasi esa umuman boshqa faoliyat turi bilan shug‘ullanishi hamda 28 tasi o‘z faoliyatini to‘xtatganligi aniqlangan.
Texnik chigitni qayta ishlash faoliyati bilan shug‘ullangan 322 ta yog‘-moy korxonasining 106 tasi paxta texnik chigitini qayta ishlash uchun belgilangan talablarga muvofiqligi va 216 ta korxonalar faoliyati esa qarorda belgilangan talablarga muvofiq emasligi aniqlangan,
Mavjud kamchilik va qonun buzilishlar yuzasidan korxonalarga nisbatan jami 556 ta ta’sir choralari ko‘rilib, shundan 199 ta ogohnoma, 350 ta ko‘rsatma va 7 ta taqdimnoma kiritilgan. Bundan tashqari, 39 ta yog‘-moy korxonalariga oid to‘plangan materiallar huquqni muhofaza qiluvchi organlarga yuborilgan. Shundan 23 tasi sudlarga va 16 tasi prokuratura organlariga taqdim qilingan.
Talablariga javob bermasligi aniqlangan 20 ta yog‘-moy korxonalari tomonidan texnik chigitni birjadan xarid qilmasdan to‘g‘ridan-to‘g‘ri xarid qilingani va to‘liq texnologik sikli mavjud bo‘lmasa-da, noqonuniy qayta ishlagani aniqlangan.
Holat yuzasidan yog‘-moy korxonalarga oid to‘plangan materiallar huquqni muhofaza qiluvchi organlarga, jumladan, prokuraturaga, Iqtisodiy jinoyatlarga qarshi kurashish departamenti va sudlarga yuborilgan.
Izoh (0)