Футбол бўйича Германия Бундеслигасининг 22-туридан ўрин олган бир қатор ўйинлар 12 февраль, шанба куни бўлиб ўтди.
«Бавария» «Boxум» меҳмони бўлди. Учрашувнинг 9-дақиқасида Роберт Левандовски ҳисобни очди. 14-дақиқада Антви-Ажей мувозанатни тиклади. 38-дақиқада Юрген Локадия пенальтидан унумли фойдаланиб, «Boxум»ни ҳисобда олдинга олиб чиқди. 40-дақиқада Кристиан Гамбоа мезбонларнинг учинчи голига муаллифлик қилди. 44-дақиқада эса Геррит Ҳолтманн ҳисобни йирик кўринишга олиб келди.
75-дақиқада Роберт Левандовски ҳисобни қисқартиришга муваффақ бўлди. Бироқ бу мағлубиятдан қутилиб қолиш учун етарли бўлмади.
Шу тариқа «Бавария» кутилмаганда мағлубиятга учради. Мюнхенликлар мағлубиятга қарамай 52 очко билан биринчи ўринда қолди. «Boxум» очколари сонини 28 тага етказди ва ўн биринчи ўринга кўтарилиб олди.
Бундеслига мусобақа жадвали, ўйинлар тақвими ва тўпурарлар рўйхати шу ерда — кўриш.
Бундеслига
22-тур баҳслари
12 февраль, шанба
«Boxум» — «Бавария» 4:2
Голлар: 0:1 – 9 Левандовски, 1:1 – 14 Антви-Ажей, 2:1 – 38 Локадия (пенальти), 3:1 – 40 Гамбоа, 4:1 – 44 Ҳолтманн, 4:2 – 75 Левандовски.«Boxум»: Эссер, Гамбоа (Стафилидис, 72), Ляйцҳ, Белла-Кочап, Данило Соарес, Лосилла, Режбечай (Машович, 90), Остерхаге, Локадия (Польтер, 80), Ҳолтманн (Пантович, 80), Антви-Ажей (Асано, 80).
«Бавария»: Ульрайх, Павар, Зюле, Упамекано (Толиссо, 46), Эрнандес, Гнабри, Киммих, Мюллер (Шупо-Мотинг, 64), Левандовски, Коман (Забитцер, 75), Сане.
Огоҳлантиришлар: Гамбоа (58), Режбечай (74), Павар (90+1).
Изоҳ (0)