“O‘zgidromet” 12-fevral kuni A-373 Toshkent—O‘sh avtoyo‘lining Qamchiq dovoni hududida ob-havo keskin yomonlashishidan ogohlantirdi.
Qayd etilishicha, shu kuni dovon hududida qor yog‘ishi, vaqti–vaqti bilan kuchli yog‘ingarchilik, tuman kuzatilishi, ko‘rinuvchanlik 50 metrgacha pasayishi, shamol tezligi 17-22 metr/sekundgacha kuchayishi kutilmoqda.
Shuningdek, avtoyo‘lda yaxmalak va qor uyumlari yuzaga kelishi mumkin.
Eslatib o‘tamiz, O‘zbekiston hududiga 11—12-fevral kunlari Turkmanistondan iliq havo, so‘ngra shimoliy Kavkaz hududlaridan nam va salqin havo massasi kirib kelishi kutilayotganini, qator viloyatlarda shamol tezligi kuchayishini ma’lum qilgandi.
Izoh (0)