Davlat statistika qo‘mitasi 2022-yil yanvar oyi bo‘yicha O‘zbekitonda qayd etilgan nikohlar haqida ma’lumot berdi.
Ta’kidlanishicha, yanvar oyida respublika bo‘yicha 20 ming 428 ta nikoh holati qayd etilgan. Bu o‘tgan yilning yanvar oyiga nisbatan 725 taga ko‘p.
Eng ko‘p nikoh Qashqadaryo viloyatida qayd etilgan. Hududlar kesimida quyidagicha:
- Qoraqalpog‘iston – 1498 ta;
- Andijon viloyati – 1769 ta;
- Buxoro viloyati – 1320 ta;
- Jizzax viloyati – 701 ta;
- Qashqadaryo viloyati – 2380 ta;
- Navoiy viloyati – 386 ta;
- Namangan viloyati – 1412 ta;
- Samarqand viloyati – 2359 ta;
- Surxondaryo viloyati – 1930 ta;
- Sirdaryo viloyati – 427 ta;
- Toshkent viloyati – 1276 ta;
- Farg‘ona viloyati – 1830 ta;
- Xorazm viloyati – 2118 ta;
- Toshkent shahri – 1022 ta.
Eslatib o‘tamiz, O‘zbekistonda 2022-yil 1-yanvar holatiga ko‘ra, doimiy aholi soni 35 271,3 ming kishini tashkil etib, 2021-yil 1-yanvarga nisbatan 712,4 ming kishiga yoki 2,1 foizga ko‘paygan. 2021-yilda O‘zbekiston bo‘yicha 305 082 ta nikoh, 39 227 ta nikohdan ajralish holatlari qayd etilgan.
Avvalroq O‘zbekistonning qaysi viloyatida doimiy aholi soni eng ko‘pligi ma’lum qilingani, 2021-yilning dastlabki 11 oyida 276,9 mingta nikoh tuzilgani, 2021-yil 1-dekabr holatiga ko‘ra, O‘zbekistonda yil boshidan buyon 832,4 ming nafar tug‘ilish holati qayd etilgani to‘g‘risida xabar berilgandi. Bundan tashqari, qo‘mita doimiy aholining yosh tarkibi bo‘yicha taqsimlanishi haqida ma’lumot bergandi. Keltirilgan ma’lumotga ko‘ra, O‘zbekiston aholisi sonida 0-4 yoshlilar eng ko‘p, 85 va undan kattalar esa ozchilikni tashkil etadi.
Izoh (0)