Prezident Shavkat Mirziyoyev Samarqandga tashrifi chog‘ida buyuk muhaddis Imom Buxoriy qabrini ziyorat qildi. Bu haqda davlat rahbarining matbuot xizmati xabar berdi.
Ta’kidlanishicha, ziyorat davomida Qur’on tilovat qilingan. Shavkat Mirziyoyev majmua qurilishini ko‘zdan kechirgan. Bu yerda qariyb 10 ming namozxonga mo‘ljallangan masjid, to‘rtta minora, ayvonlar barpo etilmoqda.
Maqbaraning o‘ng tomonida, yer ostida galereya qurilmoqda. Bu yerda ziyoratchilar alloma qabrini ko‘rish imkoniyatiga ega bo‘ladi. Maqbara naqqoshlik va xattotlik san’ati asosida sayqallanadi. Uning devorlariga qadimiy uslubda Qur’oni karim suralari va hadislar yoziladi.
Shu yerda galdagi qurilish ishlari haqida ma’lumot berilgan. Majmua yonida mehmonxonalar, avtoturargoh, avtobekat, oshxonalar, savdo rastalari, tahoratxona, kushxona barpo etiladi. Prezident ularni sifatli qurish, ko‘p sonli ziyoratchilarga zamonaviy qulayliklar yaratish bo‘yicha ko‘rsatmalar bergan.
Shuningdek, Shavkat Mirziyoyev Hazrati Hizr majmuasidagi O‘zbekistonning birinchi prezidenti Islom Karimov maqbarasini ham ziyorat qilgan.
Avvalroq Shavkat Mirziyoyev Shavkat Mirziyoyev Samarqand xalqaro aeroportini ko‘zdan kechirgani to‘g‘risida xabar berilgandi.
Izoh (0)