Президент Шавкат Мирзиёев Самарқандга ташрифи чоғида буюк муҳаддис Имом Бухорий қабрини зиёрат қилди. Бу ҳақда давлат раҳбарининг матбуот хизмати хабар берди.
Таъкидланишича, зиёрат давомида Қуръон тиловат қилинган. Шавкат Мирзиёев мажмуа қурилишини кўздан кечирган. Бу ерда қарийб 10 минг намозхонга мўлжалланган масжид, тўртта минора, айвонлар барпо этилмоқда.
Мақбаранинг ўнг томонида, ер остида галерея қурилмоқда. Бу ерда зиёратчилар аллома қабрини кўриш имкониятига эга бўлади. Мақбара наққошлик ва хаттотлик санъати асосида сайқалланади. Унинг деворларига қадимий услубда Қуръони карим суралари ва ҳадислар ёзилади.
Шу ерда галдаги қурилиш ишлари ҳақида маълумот берилган. Мажмуа ёнида меҳмонхоналар, автотураргоҳ, автобекат, ошхоналар, савдо расталари, таҳоратхона, кушхона барпо этилади. Президент уларни сифатли қуриш, кўп сонли зиёратчиларга замонавий қулайликлар яратиш бўйича кўрсатмалар берган.
Шунингдек, Шавкат Мирзиёев Ҳазрати Ҳизр мажмуасидаги Ўзбекистоннинг биринчи президенти Ислом Каримов мақбарасини ҳам зиёрат қилган.
Аввалроқ Шавкат Мирзиёев Шавкат Мирзиёев Самарқанд халқаро аэропортини кўздан кечиргани тўғрисида хабар берилганди.
Мавзуга доир: «Тошкентга трамвайни қайтармоқчимиз» — Шавкат Мирзиёев
Изоҳ (0)