“Lokomotiv” hujumchi Jerom Etame Mpakoni o‘z safiga qo‘shib oldi. Bu haqida jamoa matbuot xizmati ma’lum qildi.
2021-yilgi mavsumda “Yangiyer” sharafini himoya qilgan kamerunlik futbolchi faoliyatini “temiryo‘lchilar” safida davom ettiradi. Jerom 1996-yil 11-aprel kuni Kamerunning Yaunde shahrida tavallud topgan.
Uning professional faoliyati haqida ma’lumotlar kam. Transfermarkt portali 25 yoshli forvardning birinchi klubi sifatida “Yangiyer”ni ko‘rsatgan.
Avvalroq, “Lokomotiv” futbolchisi Azizbek Amonov faoliyatini Eronning “Istiqlol” klubida davom ettirishi xabar qilingandi.
“Lokomotiv” 2021-yilgi mavsum Superligada 39 ochko jamg‘arib, yettinchi o‘rinni egallagan edi.
Izoh (0)