“Barselona” yozda uch nafar hujumchisi bilan xayrlashmoqchi

“Barselona” yozda tarkibda o‘zgarishlar amalga oshirmoqchi.

Diario Sport’ning xabar qilishicha, kataloniyaliklar Memfis Depay, Lyuk de Yong va Martin Breytueyt bilan xayrlashishi mumkin.

“Barselona” uchun ideal hujum chizig‘i — Ferran Torres, Ansu Fati va hozirda “Borussiya D” safida o‘ynayotgan Erling Holand.

Depay Xavining “Barselona”sida o‘z o‘rnini topa olmayapti. Hujumchining “ko‘k-anorranglilar” bilan shartnomasi 2023-yil yozida o‘z nihoyasiga yetadi, shuning uchun rahbariyat uni yozda sotish orqali pul ishlab olmoqchi.

Xavi de Yongning professionalizmidan qoniqadi. Ammo murabbiy jamoada boshqa darajadagi hujumchini ko‘rmoqchi. “Sevilya” hujumchisining ijara muddati yozda tugaydi.

42 yoshli mutaxassis Breytueytning mashg‘ulotlarda qanday ishlashini ko‘rmoqda, ammo daniyalikni yuqori darajadagi hujumchi deb hisoblamaydi.