Azizbek Amonov legionerga aylandi. “Lokomotiv” hujumkor yarim himoyachisi Eron klubiga o‘tdi

“Lokomotiv” futbolchisi Azizbek Amonov faoliyatini “Istiqlol” klubida davom ettiradi. Bu haqida jamoa matbuot xizmati ma’lum qildi.

24 yoshli yarim himoyachi Eronning 8 karra chempioni, ayni damda mamlakat chempionatida peshqadamlik qilayotgan jamoa bilan shartnoma imzolagan. Biroq shartnomaning necha yilga mo‘ljallangani haqida ma’lumot berilmagan.

Amonov “Lokomotiv” tarbiyalanuvchisi hisoblanadi. 2020-yilda u “Buxoro” klubida ijara asosida to‘p surgan. 2021-yilgi mavsumni esa “Lokomotiv” jamoasida o‘tkazdi. U “temiryo‘lchilar” safida 71 o‘yinda maydonga tushib, 12 ta golga mualliflik qilgan.

U O‘zbekiston terma jamoasining “Al-Vahda”ga qarshi o‘rtoqlik o‘yinida g‘alaba goliga mualliflik qilgandi.