Qishki Olimpiya o‘yinlari tarixida eng ko‘p medal qo‘lga kiritgan sportchilar (fotogalereya)
Xitoyning Pekin shahrida 4-fevral kuni start olgan XXIV qishki Olimpiya o‘yinlari o‘zining avj pallasiga chiqmoqda. Musobaqada yetti sport turi (15 ta yo‘nalish) bo‘yicha 109 ta sovrinlar to‘plami o‘ynaladi. Shu munosabat bilan qishki Olimpiada musobaqalarining eng sovrindor sportchilari yodga olinadi.
Chang‘ichi Marit Byergen (Norvegiya) Olimpiya o‘yinlarida 15 ta medal qo‘lga kiritgan, ularning 8 tasi oltin. Foto: Getty Images
Biatlonchi Ule-Aynar Byorndalen 13 ta Olimpiya medalini qo‘lga kiritgan. Ulardan 8 tasi oltin.Foto: Getty Images
Konkichi Sven Kramer (Niderlandiya) 9 bor medal qo‘lga kiritgan bo‘lsa, ularning 4 tasi oltin.Foto: Getty Images
Konkida uchish bo‘yicha Iren Vyust (Niderlandiya) 11 marta Olimpiya o‘yinlari medali sohibi bo‘lgan bo‘lgan. Ulardan 5 tasi oltin.Foto: Getty Images
Chang‘ichi Raisa Smetanina (SSSR, Birlashgan jamoa) Olimpiya o‘yinlarida 10 ta medal sohibiga aylangan — 4 tasi oltin.Foto: Getty Images
Konkichi Klaudiya Pexshtayn (Germaniya) ichida 5 tasi oltin medaldan iborat jami 9 ta medal sohibi bo‘lgan.Foto: Getty Images
Chang‘ichi Byern Deli (Norvegiya) 12 ta Olimpiada medali sohibi bo‘lgan. Ular ichida 8 tasi oltin.Foto: Getty Images
Chang‘ichi Lyubov Yegorova (Birlashgan jamoa, Rossiya) qishki Olimpiya o‘yinlarida 9 ta medal qo‘lga kiritgan. Ularning 3 tasi oltin. Foto: Getty Images
Chang‘ichi Siksten Yernberg (Shvetsiya) 4 ta oltin medal qo‘lga kiritgan. Jami medallar soni esa 9 ta.Foto: Getty Images
2022-yilgi qishki Olimpiada musobaqasida tog‘ chang‘isi sportida o‘zbekistonlik Komiljon To‘xtayev ishtirok etadi. Sportchi 13-fevral kuni gigant slalom, 16-fevralda esa slalom dasturida o‘z chiqishini namoyish etadi.
Avvalroq, O‘zbekiston Respublikasi prezidenti Shavkat Mirziyoyev ham qishki Olimpiya o‘yinlarining ochilish marosimida ishtirok etishi ma’lum qilingan edi.
Izoh (0)