Turkiya va Gretsiya chegarasida muzlab qolib, halok bo‘lgan 12 nafar migrantning jasadi topildi, deb xabar beradi BBC News.
Turkiya Gretsiya chegarachilarini migrantlar guruhini chegara orqali ortga qaytishga majburlaganlikda ayblagan. Turkiya rasmiylarining ma’lum qilishicha, 2-fevral kuni ertalab 11 kishining jasadi topilgan. Muzlagan holda topilgan yana bir fuqaro esa keyinroq shifoxonada vafot etgan.
Turkiya Gretsiyani migrantlarni majburan qaytarishda ayblagan, bu xalqaro inson huquqlari qonunchiligiga muvofiq noqonuniy hisoblanadi.
Shu bilan birga, Gretsiya migratsiya vaziri Notis Mitarachi “migrantlar chegara yeta bora olmaganini” ma’lum qilgan.
Avvalroq Egey dengizidagi Paros oroli yaqinida ichida migrantlar bo‘lgan qayiq ag‘darilib ketishi oqibatida kamida 13 kishi halok bo‘lgan, Liviya sohillari yaqinida 75 dan ortiq muhojir cho‘kib ketgan, Fransiyada qochoqlar La-Mansh orqali Britaniyaga suzib o‘tishga urinayotgani uchun sport do‘konlarida qayiq sotish to‘xtatilgani to‘g‘risida xabar berilgandi.
Izoh (0)