Туркия ва Греция чегарасида музлаб қолиб, ҳалок бўлган 12 нафар мигрантнинг жасади топилди, деб хабар беради BBC News.
Туркия Греция чегарачиларини мигрантлар гуруҳини чегара орқали ортга қайтишга мажбурлаганликда айблаган. Туркия расмийларининг маълум қилишича, 2 февраль куни эрталаб 11 кишининг жасади топилган. Музлаган ҳолда топилган яна бир фуқаро эса кейинроқ шифохонада вафот этган.
Туркия Грецияни мигрантларни мажбуран қайтаришда айблаган, бу халқаро инсон ҳуқуқлари қонунчилигига мувофиқ ноқонуний ҳисобланади.
Шу билан бирга, Греция миграция вазири Нотис Митарачи «мигрантлар чегара ета бора олмаганини» маълум қилган.
Аввалроқ Эгей денгизидаги Парос ороли яқинида ичида мигрантлар бўлган қайиқ ағдарилиб кетиши оқибатида камида 13 киши ҳалок бўлган, Ливия соҳиллари яқинида 75 дан ортиқ муҳожир чўкиб кетган, Францияда қочоқлар Ла-Манш орқали Британияга сузиб ўтишга уринаётгани учун спорт дўконларида қайиқ сотиш тўхтатилгани тўғрисида хабар берилганди.
Изоҳ (0)