Surxondaryo viloyatining Boysun tumanida fermer xo‘jaligi rahbari 900 million so‘m kredit mablag‘ini o‘zlashtirgani aniqlandi. Bu haqda Bosh prokuratura huzuridagi departament xabar berdi.
Tergovga qadar tekshiruvda ma’lum bo‘lishicha, “B.T.” fermer xo‘jaligi rahbari R.B. xo‘jalikka nasldor chorva mollari sotib olish uchun bank muassasasidan ajratilgan 900 million so‘m kredit mablag‘ini belgilangan maqsadlarda sarflamasdan, naqdlashtirish orqali talon-toroj qilgan.
Mazkur holat yuzasidan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish) va 189-moddasi (savdo yoki xizmat ko‘rsatish qoidalarini buzish) bilan jinoyat ishi qo‘zg‘atilib, tergov harakatlari o‘tkazilmoqda.
Izoh (0)