UEFA “Real” bosh murabbiyi Karlo Anchelottidan murabbiylik imtihonini topshirishni so‘radi.
Football Italia nashrining xabariga ko‘ra, Anchelottining murabbiylik litsenziyasi muddati 2021-yilning 31-dekabrida o‘z nihoyasiga yetgan. Anchelotti yana jamoalarni boshqara olishi uchun UEFA undan imtihon topshirishni talab qilmoqda. Tashkilot 62 yoshli mutaxassisga litsenziya uzaytirilishi uchun ruxsatnoma olishi kerakligi borasida ogohlantirish xati jo‘natgan.
Ispaniya futbol federatsiyasi esa UEFA bilan bog‘lanib, faoliyati davomida 1200 ta o‘yin o‘tkazgan murabbiydan imtihon olish shart emasligini tushuntirgan.
Ma’lumot uchun, “Milan”, “Chelsi”, “PSJ” va “Bavariya” kabi klublarda ishlagan Anchelotti 21 ta sovrinni qo‘lga kiritgan. Italiyalik murabbiy 2021-yilning yozida “Real”ni qabul qilib olgan, uning madridliklar bilan shartnomasi 2024-yilga qadar mo‘ljallangan. Don Karlo bungacha 2013—2015-yillarda ham “qirollik klubi”ni boshqargan.
Izoh (0)