Халқ депутатлари Ангрен шаҳар кенгашининг навбатдан ташқари сессиясида Тошкент вилояти ҳокими вазифасини бажарувчи Зоир Мирзаев маъруза қилди, деб хабар беради вилоят ҳокимлиги матбуот хизмати.
Сессияда ташкилий масала кўрилган. Шу вақтга қадар Ангрен шаҳар ҳокими лавозимида ишлаб келган Шукурулла Маҳмудов Тошкент вилояти ҳокимига қурилиш масалалари бўйича ўринбосар этиб тайинланиши муносабати билан шаҳар ҳокими лавозимидан озод қилинган.
Ангрен шаҳар ҳокими лавозимига Нуриддин Абдураҳимов номзоди кўрсатилиб, депутатлар томонидан тасдиқланган.
Маълумот учун, Нуриддин Абдураҳимов Пискент туманида туғилган. Мутахассислиги бўйича молиячи. Шу вақтга қадар Президент администрациясининг масъул ходими сифатида фаолият юритиб келган.
Аввалроқ Президент администрацияси Маҳаллий ижро ҳокимияти органлари билан ишлаш шўъбаси бош мутахассиси вазифасида фаолият юритиб келган Азамат Файзиев Навоий вилоятининг Нурота тумани ҳокими этиб тайинлангани тўғрисида хабар берилганди.
Изоҳ (0)