4–20-fevral kunlari Xitoy poytaxti Pekinda XXIV qishki Olimpiya o‘yinlari bo‘lib o‘tadi. Olimpiadada yettita sport turi (15 tartib bo‘yicha) bo‘yicha 109 komplekt medallar shodasi o‘ynaladi.
Sanksiyalar sabab Rossiya olimpiya terma jamoasi mazkur olimpiada o‘yinlarida mamlakat olimpiya qo‘mitasi bayrog‘i ostida ishtirok etadi, davlat madhiyasi o‘rniga Petr Chaykovskiy musiqasidan parcha qo‘yib beriladi.
Koronavirus pandemiyasi sabab musobaqalarni faqat mahalliy aholi vakillari bevosita tomoshabin sifatida kuzatib borishi mumkin. “Interfaks” olimpiada boshlanishiga sanoqli kunlar qolgan pallada Pekin va shahardagi aholi unga qanday tayyorgarlik ko‘rayotgani, Qishki olimpiada o‘yinlari starti oldidan musobaqalar o‘tadigan arenalardagi muhit haqida fotosuratlar jamlanmasini to‘plagan.
2021-yil 6-dekabr kuni AQSh, 8-dekabr kuni Avstraliya Pekindagi qishki olimpiada o‘yinlariga diplomatik boykot e’lon qilgan. Keyinchalik Buyuk Britaniya ham ushbu mamlakatlar safiga qo‘shilgan. Ular ushbu harakat Xitoyning Shinjon avtonom hududidagi uyg‘urlarga nisbatan ta’qiblari bilan bog‘liqligini qay etgan. Xalqaro Olimpiya qo‘mitasi AQShning qarorini “hurmat qilishini” bildirgan. Xitoyning AQShdagi elchixonasi esa Vashington qarorini “siyosiy manipulyatsiya” deb atagan. Keyinchalik Fransiya prezidenti Emmanuel Makron Pekin Olimpiadasiga diplomatik boykot e’lon qilish arzimagan qadam ekanligi haqida gapirgan.
2022-yil 4—13-mart kunlari Xitoy poytaxti Qishki paralimpiya o‘yinlariga ham mezbonlik qiladi.
Izoh (0)