4–20 февраль кунлари Хитой пойтахти Пекинда XXIV қишки Олимпия ўйинлари бўлиб ўтади. Олимпиадада еттита спорт тури (15 тартиб бўйича) бўйича 109 комплект медаллар шодаси ўйналади.
Санкциялар сабаб Россия олимпия терма жамоаси мазкур олимпиада ўйинларида мамлакат олимпия қўмитаси байроғи остида иштирок этади, давлат мадҳияси ўрнига Петр Чайковский мусиқасидан парча қўйиб берилади.
Коронавирус пандемияси сабаб мусобақаларни фақат маҳаллий аҳоли вакиллари бевосита томошабин сифатида кузатиб бориши мумкин. «Интерфакс» олимпиада бошланишига саноқли кунлар қолган паллада Пекин ва шаҳардаги аҳоли унга қандай тайёргарлик кўраётгани, Қишки олимпиада ўйинлари старти олдидан мусобақалар ўтадиган ареналардаги муҳит ҳақида фотосуратлар жамланмасини тўплаган.
2021 йил 6 декабрь куни АҚШ, 8 декабрь куни Австралия Пекиндаги қишки олимпиада ўйинларига дипломатик бойкот эълон қилган. Кейинчалик Буюк Британия ҳам ушбу мамлакатлар сафига қўшилган. Улар ушбу ҳаракат Хитойнинг Шинжон автоном ҳудудидаги уйғурларга нисбатан таъқиблари билан боғлиқлигини қай этган. Халқаро Олимпия қўмитаси АҚШнинг қарорини «ҳурмат қилишини» билдирган. Хитойнинг АҚШдаги элчихонаси эса Вашингтон қарорини «сиёсий манипуляция» деб атаган. Кейинчалик Франция президенти Эммануэль Макрон Пекин Олимпиадасига дипломатик бойкот эълон қилиш арзимаган қадам эканлиги ҳақида гапирган.
2022 йил 4—13 март кунлари Хитой пойтахти Қишки паралимпия ўйинларига ҳам мезбонлик қилади.
Изоҳ (0)