Rossiyaning COVID-19 ga qarshi kurash bo‘yicha federal tezkor shtabi ma’lumotlariga ko‘ra, o‘tgan kun davomida mamlakatda yana 98 040 kishida koronavirus aniqlandi. Bu bir kun avvalgi ko‘rsatkichdan 9 224 kishiga yoki 10,4 foizga ko‘p. Rossiyada COVID-19 bilan kunlik kasallanishlar soni bir haftadan buyon rekordlarini yangilamoqda.
Tezkor shtab ma’lumotiga ko‘ra, o‘tgan sutkada infeksiyani yuqtirish bo‘yicha Moskvada 23 994 ta yangi holat qayd etilgan, Sankt-Peterburgda esa 13 976 ta holat ro‘yxatga olingan.
O‘tgan kun davomida Rossiyada 14 046 kishi COVID-19 bilan kasalxonaga yotqizilgan, bu ham shu vaqtga qadar qayd etilgan maksimal ko‘rsatkich. Shu bilan birga, Moskvada kunlik kasalxonaga yotqizishlar soni 1459 dan 1383 gacha kamaygan.
Mamlakatda o‘tgan bir kecha-kunduzda 673 kishi, jumladan, Moskvada 74 kishi infeksiya oqibatida vafot etgan.
Pandemiya boshlangandan beri Rossiyada koronavirusga chalinganlar soni 11 502 657 kishiga yetdi. COVID-19 tashxisi bilan jami 329 443 kishi hayotdan ko‘z yumdi, deyiladi xabarda.
26-yanvar kuni Rossiyada 88 816 kishida koronavirus aniqlangan edi. Shuningdek, mamlakatda koronavirus bilan kunlik kasallanishlar soni 25-yanvar holatiga 74 692 kishini, 24-yanvar holatiga 65 109 kishini, 23-yanvar holatiga 63 205 kishini, 22-yanvar holatiga 57 212 kishini tashkil etib, mamlakatda har kuni COVID-rekordlar o‘rnatilmoqda.
Izoh (0)