O‘zbekiston yo‘llarida 28-yanvar kuni sodir bo‘lgan baxtsiz hodisalar tafsilotini taqdim etamiz.
Sirdaryoda “ZIL” yonib ketdi
Dastlabki ma’lumotlarga ko‘ra, 2022-yil 28-yanvar kuni soat 20:00 larda Guliston tumani “Mevazor” MFY hududida joylashgan gaz to‘ldirish shoxobchasida haydovchi J.X. (1980-yilda tug‘ilgan) gaz to‘ldirish vaqtida xavfsizlik qoidalariga rioya qilmasdan (ulagich uzilmasdan), “ZIL MMZ-554” yuk avtomobilini harakatga keltirgani oqibatida avtomobilda yong‘in yuzaga kelgan. Yong‘in o‘t o‘chiruvchilar tomonidan bartaraf etilgan.
Hodisa natijasida tan jarohati olgan fuqarolar yo‘q. Hozirda tuman FVB va YHXB xodimlari tomonidan surishtiruv olib borilmoqda.
Farg‘onada Spark va Trailblazer to‘qnashuvi oqibatida yong‘in kelib chiqdi
2022-yilning 28-yanvar kuni soat 23:05 larda Farg‘ona shahri S.Temur ko‘chasida haydovchi R.A (1991-yilda tug‘ilgan) Trailblazer avtomobilini boshqarib ketayotib, qarama-qarshi yo‘nalishda harakatlanib kelayotgan S.A. (1996-yilda tug‘ilgan) boshqaruvidagi Spark avtomobili bilan to‘qnashgan.
Oqibatda Spark avtomobilining old qismida yong‘in kelib chiqqan.
Haydovchi S.A. chap oyoq boldir suyagini yopiq sinishi tashxisi bilan Farg‘ona shahar shifoxonasiga yotqizilgan. Yong‘in o‘t o‘chiruvchilar tomonidan bartaraf etilgan.
Mazkur holat yuzasidan Farg‘ona shahar IIO FMB huzuridagi tergov bo‘limi hamda FVB xodimlari tomonidan tekshiruv o‘tkazilmoqda.
Izoh (0)