Surxondaryoda “Jiguli” va yuk mashinasi to‘qnashdi, deya xabar bermoqda viloyat IIB.
Foto: Surxondaryo viloyati IIB
Qiziriq tumanning “Kun chiqish” mahallasi hududidan o‘tuvchi 4R-100 avtomobil yo‘lining 103-kilometrida avtotransport hodisasi yuz berdi. Jarqo‘rg‘on tumani “Nurli diyor” mahallasida yashovchi Sh.S. boshqaruvidagi “KamAZ” rusumli avtoulovi bilan Jarqo‘rg‘on–Qiziriq yo‘nalishi bo‘yicha qarama-qarshi tomonidan harakatlanib kelayotgan “VAZ-2106” rusumli avtomashina bilan to‘qnashgan.
Oqibatda “VAZ-2106” haydovchisi A.Q. tan jarohati olib, kasalxonaga tushgan. Biroq oradan bir necha kun o‘tib, fuqaro kasalxonada vafot etgan.
Holat yuzasidan Jinoyat kodeksining 266-moddasi 2-qismi (odam o‘limiga sabab bo‘lgan transportdan foydalanish xavfsizligi qoidalarini buzish) bilan jinoyat ishi qo‘zg‘atilgan.
