Samarqand shahri Amir Kulol ko‘chasidagi xonadonlardan birida yong‘in sodir bo‘ldi, deya xabar bermoqda FVV.
Qayd etilishicha, 27-yanvar kuni soat 17:42 da Samarqand shahri Amir Kulol ko‘chasi 14-uyda yong‘in sodir bo‘layotgani to‘g‘risida viloyat FVBga xabar kelib tushgan.
Shunga ko‘ra, 3 ta yong‘in-qutqaruv ekipaji voqea joyiga soat 17:49 da yetib borib, yong‘in soat 17:55 da qurshab olingan va 18:16 da bartaraf etilgan.
Yong‘in oqibatida xonadonning, taxminan, 90 kvadrat metr maydonda shift va tom qismi yonib zararlangan. Hodisa oqibatida jabrlangan va halok bo‘lganlar yo‘q.
Hozirda yong‘inning kelib chiqish sababi va moddiy zarar miqdori aniqlanmoqda.
Izoh (0)