Yurak-qon tomir kasalliklarining oldini olish va davolash sifatini oshirish chora-tadbirlari to‘g‘risidagi prezident qarori (PQ–103-son, 26.01.2022-y.) qabul qilindi.
Qaror bilan yurak-qon tomir kasalliklarining oldini olishda asosiy yo‘nalishlar belgilandi.
Jumladan, ehtiyojmand aholi qatlamlari zarur dori vositalari bilan bepul ta’minlanadi.
2022-yildan boshlab:
- yiliga bir marta 18 yoshdan 40 yoshgacha bo‘lgan aholining salomatlik profili (ovqatlanish xarakteri, tamakiga qaramlik, tana vazni indeksi, arterial bosim, qondagi qand va xolesterin darajasi va boshqalar) baholanadi;
- 40 yoshdan oshganlar yiliga kamida bir marta skrining tekshiruvlaridan o‘tkaziladi;
- yurak-qon tomir kasalliklari aniqlanganlarning yagona elektron reyestri yuritiladi va reyestrdagi 200 mingdan ziyod aholiga enalapril (Enalapril) dori vositasi bepul beriladi;
- ehtiyojga ko‘ra tuman (shahar) shifoxonalari koagulometr uskunasi va zarur reaktivlar bilan ta’minlanadi.
Respublika ixtisoslashtirilgan kardiologiya ilmiy-amaliy tibbiyot markazining hududiy filiallarida kardiologiya yo‘nalishida yuqori texnologik jarrohlik amaliyotlari bosqichma-bosqich 15 turdan 35 turgacha oshiriladi.
Mavzuga doir:
- O‘zbekistonda 25 yoshdan oshgan qandli diabetga chalingan bemorlar insulin bilan bepul ta’minlanadi
- Andijonda 500 mingga yaqin aholi qandli diabet, yurak-qon tomir, kamqonlik va bo‘g‘im kasalliklari bilan og‘rishi ma’lum qilindi
- Yurak bilan hazillashmang: kardiologga uchrash kerakligidan darak beruvchi 9 simptom
Izoh (0)