Energetika vazirligi 26-yanvar soat 12:00 holatiga ko‘ra respublika hududlarida elektr energiyasi ta’minoti bilan bog‘liq holat yuzasidan ma’lumot berdi.
Qoraqalpog‘iston Respublikasi — barcha tuman va shaharlarida elektr ta’minoti mavjud.
Andijon viloyati — Andijon shahar 70 foiz, Xonabod 100 foiz, qolgan barcha tuman va shaharlarda 10 foiz elektr ta’minoti mavjud.
Buxoro viloyati — Vobkent, Shofirkon tumanlari 20 foiz, Qorako‘l tumani 80 foiz, G‘ijduvon tumani 5 foiz, Olot, Jondor, Romiton, Peshku, Qoravulbozor, Kogon, Buxoro tumanlari 100 foiz, Buxoro, Kogon shaharlari 100 foiz elektr ta’minoti mavjud.
Jizzax viloyati — Barcha shahar va tumanlar markazlari va asosiy tibbiyot muassasalariga 5 foiz elektr ta’minoti berilgan.
Qashqadaryo viloyati — Qarshi shahar 80 foiz, qolgan barcha tuman va shaharlarda 5 foiz elektr ta’minoti mavjud.
Navoiy viloyati — Nurota, Xatirchi tumanlari 70 foiz, Karmana, Qiziltepa, Navbaxor tumanlari 80 foiz, Zarafshon, Uchquduq shaharlari 95 foiz, Konimex, Tomdi tumanlari 100 foiz, Navoiy shahar 100 foiz elektr ta’minoti mavjud.
Namangan viloyati — Namangan shahri 75 foiz, Mingbuloq tumani 70 foiz, Kosonsoy tumani 65 foiz, Norin tumani 75 foiz Pop tumani 60 foiz, To‘raqo‘rg‘on tumani 60 foiz, Uychi tumani 70 foiz, Uchqo‘rg‘on tumani 75 foiz, Chortok tumani 30 foiz, Chust tumani 70 foiz, Yangiqo‘rg‘on tumani 75 foiz, Namangan tumani 75 foiz elektr ta’minoti mavjud;
Samarqand viloyati — Narpay tumani 30 foiz, Samarqand tuman 60 foiz, Kattaqo‘rg‘on tumani 10 foiz, Kattaqo‘rg‘on shahri 50 foiz, Samarqand shahar 90 foiz elektr ta’minoti mavjud
Surxondaryo viloyati — Denov, Sariosiyo, Uzun tumanlari va Denov shahri 100 foiz, Termiz shahri 100 foiz, Termiz tuman 70 foiz, Sherobod tumani 15 foiz, Oltinsoy tumani 70 foiz, Sho‘rchi, Boysun, qumqo‘rg‘on tumanlari 10 foiz, Angor, Mizrobod, Jarqo‘rg‘on, Qiziriq, Bandixon tumanlari 5 foiz elektr mavjud.
Sirdaryo viloyati — Sayxunobod 68 foiz, qolgan tuman va shaharlarda 100 foiz elektr ta’minoti mavjud ta’minoti mavjud.
Toshkent viloyati — Angren shahar 10 foiz, Bekobod shahar 40 foiz, Narafshon shahar 50 foiz, Olmaliq shahar 60 foiz, Chirchiq 50 foiz, Ohangaron shahar 50 foiz, Bekobod tuman 40 foiz, Bo‘stonlik tumani 40 foiz, Zangiota tumani 40 foiz, Qibray tumani 60 foiz, Ohangaron tumani 50 foiz, Parkent tumani 70 foiz, Toshkent tumani 60 foiz, O‘rta Chirchiq 20 foiz, Yuqori Chirchiq tumani 70 foiz, Chinoz 10 foiz, Yangiyo‘l tuman 5 foiz elektr ta’minotiga ulangan.
Farg‘ona viloyati — Dang‘ara tumani 50 foiz, Farg‘ona tumani 70 foiz, O‘zbekiston tumani 50 foiz, Rishton tumani 50 foiz, Buvayda tumani 40 foiz, Qo‘qon shahar 100 foiz, Toshloq tumani 50 foiz, Marg‘ilon shahar 50 foiz, Qo‘shtepa tumani 40 foiz, Bog‘dod tumani 50 foiz, Oltariq tumani 50 foiz, qolgan tuman va shaharlarida 100 foiz elektr ta’minoti mavjud.
Xorazm viloyati — Barcha tuman va shaharlarida elektr ta’minoti mavjud.
Toshkent shahri — Barcha tuman va shaharlarida elektr ta’minoti mavjud.
Avvalroq Energetika vazirligi umumtizimda kuzatilgan yirik nosozliklar bosqichma-bosqich bartaraf etilib, O‘zbekistonning yagona elektr tarmog‘iga quvvat uzatish boshlanganini, energotizimda kuzatilgan nosozliklar sababli yuzaga kelgan muammolarni bartaraf etish uchun barcha choralar ko‘rilayotganini ma’lum qilgandi. Shuningdek, vazirlik xonadonlardagi ortiqcha elektr jihozlarini tarmoqqa ulamaslikni so‘radi.
Ta’kidlanishicha, yuzaga kelgan nosozliklar sababli mamlakatdagi mavjud gaz qazib olish konlari va uni qayta ishlash zavodlarida texnologik jarayonlarning buzilish holatlari kuzatilmoqda. Bu esa o‘z navbatida gaz ishlab chiqarish hajmining kamayishiga olib kelmoqda. Shu sababli issiqlik elektr stansiyalarida gaz bosimining kamayishi kuzatilmoqda va bu elektr energiyasini ishlab chiqarish hajmiga salbiy ta’sir ko‘rsatyapti.
Bundan tashqari, ishlab chiqarish korxonalari va aholiga gazni yetkazib berish maqsadida 26-yanvardan avtomobillarga gaz to‘ldirish stansiyalari faoliyatiga vaqtinchalik cheklovlar kiritilishi, yuridik iste’molchilarga ham tabiiy gaz yetkazib berish to‘xtatilishi ma’lum qilindi.
“O‘zbekneftgaz” matbuot xizmatining ma’lum qilishicha, elektr energiya ta’minoti qayta tiklangandan so‘ng, neft va gaz qazib chiqarish va qayta ishlash boshqarma va zavodlardagi mavjud texnologik qurilmalar va siquv kompressor stansiyalarni bosqichma-bosqich ishga tushirish ishlari olib borilmoqda.
Jumladan, Qashqadaryo viloyatida joylashgan “Muborak neft va gaz qazib chiqarish boshqarmasi”, “Sho‘rtan neft va gaz qazib chiqarish boshqarmasi”, “Muborak gazni qayta ishlash zavodi” va “Sho‘rtan gaz kimyo majmuasi” MChJ, Buxoro viloyatida joylashgan “Gazli neft va gaz qazib chiqarish boshqarmasi” va “Buxoro neftni qayta ishlash zavodi” MChJ faoliyatini davom ettira boshladi.
Gazli hamda Muborak neft va gaz qazib chiqarish boshqarmasiga qarashli konlardan tabiiy gaz qazib chiqarish ishlari qayta davom ettirilmoqda.
Izoh (0)