25 январь куни Тошкент вилояти Қибрай туманида яшовчи Тоировлар оиласида тўрт эгизак дунёга келди, деб хабар беради туман ҳокимлиги матбуот хизмати.
Маълум қилинишича, туманнинг «Бирлик» маҳалласида яшовчи Тоировлар оиласида 2 ўғил ва 2 қиз фарзанд дунёга келган. Қибрай туман ҳокимлиги эгизакларнинг ота-онасини қувончли кун билан табриклаган.
Эгизакларнинг отаси Жавоҳир Тоировнинг сўзларига кўра, ҳозирда фарзандларининг аҳволи қониқарли даражада.
Эслатиб ўтамиз, Ўзбекистонда 2021 йилнинг январь—ноябрь ойларида 16 минг 822 нафар эгизак чақалоқ туғилган. 2021 йил 1 декабрь ҳолатига кўра, Ўзбекистонда 832,4 минг туғилиш қайд этилган. Ноябрь ойининг ўзида эса республикада жами 79 213 та чақалоқ туғилган. Давлат статистика қўмитаси маълумотларига кўра, Ўзбекистонда 10 йил давомида уч нафар эгизаклар туғилиши 4 бараварга кўпайди. 2021 йилнинг биринчи ярмида эгизаклар сони бўйича Самарқанд вилояти етакчи бўлган.
Изоҳ (0)