Bobur Shoyoqubov O‘zbekiston Qurolli Kuchlari akademiyasi boshlig‘i lavozimiga tayinlandi, deb xabar beradi Telegram’dagi “Nigoh” kanali.
Tayinlovga qadar Bobur Shoyoqubov prezident huzuridagi Xavfsizlik kengashi kotibining o‘rinbosari lavozimida ishlab kelayotgandi.
Qurolli Kuchlar akademiyasining avvalgi boshlig‘i Shavkatbek Mamajonov Chirchiq oliy tank qo‘mondonlik-muhandislik bilim yurti boshlig‘i lavozimiga tayinlangan. Eslatib o‘tamiz, Shavkat Mamajonov 2021-yilning martida O‘zbekiston prezidentining tegishli farmoni bilan Qurolli Kuchlar akademiyasi boshlig‘i lavozimiga tayinlangandi.
Avvalroq Madaniy merosni himoya qilish inspeksiyasiga rahbar tayinlangani, Abdulla Azizov sog‘liqni saqlash vazirining o‘rinbosari lavozimidan ozod etilgani, IIV YHXBB boshlig‘i Jamoat xavfsizligi departamenti boshlig‘i o‘rinbosari bo‘lgani to‘g‘risida xabar berilgandi.
Izoh (0)