Ijtimoiy tarmoqda Toshkent viloyatining O‘rta Chirchiq tumanida bir nechta mashina ishtirokida sodir bo‘lgan yo‘l-transport hodisasi videosi tarqaldi. IIV YHXBBning ma’lum qilishicha, avariya oqibatida haydovchilardan biri jarohat olgan.
Ma’lum qilinishicha, 21-yanvar kuni soat 20:00 larda O‘rta Chirchiq tumani hududidan o‘tuvchi Toshkent—Nurafshon—Ohangaron avtomobil yo‘lining 22-kilometrida M.A. (1996-yilda tug‘ilgan) boshqaruvidagi Nexia, G.A. (1997-yilda tug‘ilgan) boshqaruvidagi “VAZ-2107” hamda N.A. boshqaruvidagi (1994-yilda tug‘ilgan) Nexia-3 rusumli avtomobillari ishtirokida YTH sodir bo‘lgan.
Avariya oqibatida “VAZ-2107” rusumli avtomobil haydovchisi G.A. olgan tan jarohatlari bilan shifoxonaga yotqizilgan.
Mazkur YTH yuzasidan O‘rta Chirchiq tumani IIB TB tomonidan dastlabki tergov harakatlari olib borilmoqda.
Avvalroq Qoraqalpog‘istonda Mercedes-Benz va Cobalt ishtirokida YTH sodir bo‘lgani, Qashqadaryoda Nexia “KamAZ”ning tirkamasiga urilishi oqibatida 2 kishi halok bo‘lgani, Namanganda Nexia bilan to‘qnashgan Spark ag‘darilib ketgani to‘g‘risida xabar berilgandi.
Izoh (0)