Toshkent shahrida tadbirkordan tovlamachilik yo‘li bilan pul undirgan shaxslar ushlandi, deb xabar beradi Bosh prokuratura huzuridagi departament.
Ma’lum qilinishicha, departament hamda Davlat bojxona qo‘mitasining Toshkent shahar boshqarmalari tomonidan tadbirkorlik subyektlarining huquqlarini himoya qilish yuzasidan tezkor tadbir o‘tkazilgan.
Tadbir davomida “S.L” xususiy korxonasi rahbari T.M. va boshqalar “S.L” korxonasining tamaki mahsulotlarini o‘zlarining korxonasi nomidan O‘zbekiston hududi orqali tranzit qilib yuborish evaziga korxona vakili V.dan 19 ming dollar talab qilgani aniqlangan. Aks holda ular yuklarni O‘zbekiston hududidan ortga qaytarib yuborish va shu orqali mulkka zarar yetkazish bilan qo‘rqitib, talab qilingan pullarni olgan vaqtida ashyoviy dalillar bilan ushlangan.
Mazkur holat yuzasidan Jinoyat kodeksining 165-moddasi (tovlamachilik) bilan jinoyat ishi qo‘zg‘atilib, tergovga tegishliligi bo‘yicha yuborilgan.
Avvalroq Bulung‘urda litsenziyasiz kirakashlik qilayotgan fuqarolardan pul undirish bilan shug‘ullanib kelgan guruh a’zolari ushlangani, Qashqadaryoda o‘zini muxbir sifatida tanishtirib, hokimlik vakilidan 2,6 mln so‘m pulni tamagirlik yo‘li bilan olgan shaxs qamoqqa olingani to‘g‘risida xabar berilgandi.
Izoh (0)