Koronavirus sekin-asta ma’lum bir hududga xos endemik infeksiyaga aylanib bormoqda. Bu haqda JSST bosh epidemiologi Mariya Van Kerkxove ma’lum qildi.
“Ushbu virus endemikka aylanish yo‘lida turibdi. Bu shubhasiz”, — deydi ekspert. Uning ta’kidlashicha, hozirda pandemiya “eng qizg‘in pallada”: kasallanish holatlari ortmoqda, shu bilan birga mamlakatlarning sog‘liqni saqlash tizimlariga yuklamalar ham ortyapti. “Hozircha biz ushbu bosqichga yetmadik”, — deya qayd etadi Kerkxove.
Infeksionistning qo‘shimcha qilishicha, virus pandemiyaning rivojlanishini oldindan aytish qiyin bo‘lgani sabab o‘zgarmoqda. Buning ustiga mamlakatlar pandemiyaga qarshi turlicha kurashyapti. “Bu yerda gripp yoki boshqa mavsumiy infeksiyalar kabi oldindan biror nima deyish qiyin. Balki bunga ham yetib borarmiz, ammo hozir emas”, — deya tushuntiradi JSST vakili.
2021-yilning dekabrida JSST rahbari Tedros Gebreyesus 2022-yilda koronavirus pandemiyasi yakunlanishi mumkinligini taxmin qilgandi. Koronavirus endemikka aylanishi haqida tashkilot eksperti Devid Xeymann 2020-yilning dekabriga aytgan.
2022-yilning 8-yanvarida kiprlik olimlar guruhi koronavirusning yangi 25 ta varianti aniqlanganini ma’lum qildi. Uning genetik asosi delta shtamm bilan bir xil, ammo omikronga xos mutatsiya ham bor. Shu sababli virusning yangi turi deltakron nomini olgan.
Kerkxovening so‘zlariga ko‘ra, gibridning paydo bo‘lishi haqidagi ma’lumotlar sekvenirlash uchun olingan virus namunasining ifloslanishi natijasida yuzaga kelishi mumkin.
Avvalroq butun dunyoda koronavirusga chalinganlar soni 300 milliondan oshgani, Hindistonda omikron shtammidan birinchi o‘lim qayd etilgani, Italiyada 50 yoshdan oshganlar uchun COVID-19 ga qarshi majburiy emlash joriy qilingani, Janubiy Koreyada omikron bilan bog‘liq dastlabki o‘lim holatlari kuzatilgani haqida xabarlar berilgan.
Izoh (0)