Gruziya prezidenti Salome Zurabishvili NATO bosh kotibi Yens Stoltenbergga mamlakat suvereniteti va hududiy yaxlitligini qo‘llab-quvvatlagani uchun minnatdorchilik bildirdi, deb xabar beradi “Interfaks”.
“Bugun Yens Stoltenberg muhim bayonot bilan chiqdi. Murakkab geosiyosiy vaziyatda Gruziya o‘z sheriklariga ishonishi mumkinligini ko‘rib turibmiz, ular bizning suverenitetimiz va hududiy yahlitligimizni qo‘llab-quvvatlashni davom etadi”, — deb yozadi Zurabishvili o‘zining Twitter’dagi sahifasiga. Stoltenberg o‘z bayonotini Rossiya—NATO yig‘ishidan so‘ng e’lon qilgandi.
12-yanvar kuni Gruziya parlamenti spiketi Shalva Papuashvili jurnalistlarga Stoltenbergning bayonoti bo‘yicha izoh berar ekan, Gruziya NATO a’zosiga aylanishni istashini ma’lum qilgan va uning so‘zlariga ko‘ra, ushbu masala faqatgina Gruziya va NATOga taalluqli.
“Gruzin xalqining konstitusiya bilan mustahkamlab qo‘yilgan metin irodasi ma’lum. Gruziya NATO a’zosi bo‘lishni istaydi. Bundan tashqari, NATO a’zolari Gruziya alyansga qo‘shilishini qat’iy xohlaydi. Shunday kelib chiqib, bu o‘z-o‘zidan amalga oshadi”, — deydi Papuashvili.
Avvalroq Rossiya va AQShning xavfsizlik kafolatlari bo‘yicha Jenevada bo‘lib o‘tgan maslahatlashuvlarida NATOni sharqqa tomon kengaytirmaslik masalasida kelishuvga erishilmagani to‘g‘risida xabar berilgandi. NATOni kengaytirmaslik va bunga qonuniy kafolatlar olish mavzusi AQShning jiddiy e’tirozlariga sabab bo‘lgan.
Izoh (0)