AQSh Shimoliy Koreyaga aloqasi borligi uchun rossiya fuqarosi va “Parsek” kompaniyasiga qarshi sanksiyalarni kiritdi. Shuningdek, ro‘yxatdan ommaviy qirg‘in qurolini tarqatishga gumonlangan olti nafar KXDR fuqarosi o‘rin olgan, deb xabar beradi AQSh Moliya vaziligi.
“13382-sonli ijro farmoniga muvofiq Davlat departamenti KXDR fuqarosi O Yen Xo, Rossiya fuqarosi Roman Alarya va Rossiyaning ‘Persek’ MChJ yuridik shaxsiga ommaviy qirg‘in qurollarini tarqatish yoki ularni KXDRga yetkazib berishga sezilarli hissa qo‘shgan faoliyat yoki operatsiyalarni amalga oshirgani uchun sanksiyalar joriy etdi”, — deyiladi bayonotda.
Farmon barcha tranzaktsiyalarni taqiqlaydi va sanksiyaga uchragan shaxslarning Qo‘shma Shtatlarda bo‘lishi mumkin bo‘lgan barcha aktivlarini muzlatib qo‘yadi.
Bundan tashqari, Amerika tomonidan Moskva va Vladivostokda yashaydigan to‘rt nafar Xitoy hamda ikki nafar Shimoliy Koreya fuqarosiga qarshi sanksiya qo‘llangan. Vashington ularni “ommaviy qirg‘in quroli va ballistik raketalarga bog‘liq KXDR dasturlari uchun xaridlarga mas’ul” deb hisoblaydi.
Avvalroq AQSh Rossiyaga Qrim sabab kiritilgan sanksiyalar muddatini bir yilga uzaytirgan va Navalniy tufayli sanksiyalarning ikkinchi raundi haqida ogohlantirgandi. 2021-yilning noyabrida esa AQSh harbiy mahsulotlarni ishlab chiqarish bilan shug‘ullangan Moskva fizika-texnika institutiga qarshi sanksiya kiritgan.
Izoh (0)