Armaniston va Ozarbayjon chegarasidagi otishma oqibatida arman armiyasining olti nafardan sakkiz nafargacha harbiy xizmatchisi halok bo‘lgan. Bu haqda Ozarbayjon prezidenti Ilhom Aliyev mahalliy telekanallarga bergan intervyusida ma’lum qildi.
“Kuni kecha ozarbayjonlik harbiy xizmatchilarga qarshi navbatdagi harbiy provokatsiya sodir etildi, bu mutlaqo asossiz tajovuz oqibatida ozarbayjonlik harbiy xizmatchi halok bo‘ld. Mudofaa vaziridan olgan ma’lumotlarimga ko‘ra, dushman tomonning olti nafardan sakkiz nafargacha harbiy xizmatchisi yo‘q qilingan, ko‘pchiligi jarohat olgan”, — deydi Aliyev.
Uning so‘zlariga ko‘ra, soat 21:30 da o‘t ochishni to‘xtatish buyrug‘ini bergan va arman tomoniga ko‘p sonli yaralanganlarni olib ketish imkoni berilgan.
Otishma 11-yanvar kuni sodir bo‘lgan. Armaniston Mudofaa vazirligi Ozarbayjon hukumatini provakatsiyada ayblagan va uch nafar harbiy xizmatchisi halok bo‘lganida hamda ikki nafari jarohat olganini ma’lum qilgan.
O‘z navbatida Ozarbayjon tomoni Armanistonni provakatsiyada ayblagan. Shuningdek, Boku bir nafar harbiy xizmatchisi halok bo‘lganini bildirgan.
Avvalroq Ilhom Aliyev 2022-yilni Ozarbayjonda “Shusha shahri yili” deb e’lon qilgani to‘g‘risida xabar berilgandi.
Eslatib o‘tamiz, 2020-yil kuzida Tog‘li Qorabog‘ atrofida kuzatilgan Armaniston hamda Ozarbayjon harbiylarining qurolli to‘qnashuvlaridan keyin Tog‘li Qorabog‘ga qarshi yettita tuman Boku ixtiyoriga o‘tgan Syuniksk va Gegarkun viloyatlari armanlarning ozarbayjonlar bilan chegara hududi deb hisoblana boshlangan. Vaziyat 2021-yil 12-mayda yana keskinlashgan. Shundan buyon ikki tomon yangi qurolli to‘qnashuvlar, ko‘ngilsiz hodisalar sodir bo‘layotgani haqida xabar berib turibdi.
Izoh (0)