Грузия президенти Саломе Зурабишвили НАТО бош котиби Йенс Столтенбергга мамлакат суверенитети ва ҳудудий яхлитлигини қўллаб-қувватлагани учун миннатдорчилик билдирди, деб хабар беради «Интерфакс».
«Бугун Йенс Столтенберг муҳим баёнот билан чиқди. Мураккаб геосиёсий вазиятда Грузия ўз шерикларига ишониши мумкинлигини кўриб турибмиз, улар бизнинг суверенитетимиз ва ҳудудий яҳлитлигимизни қўллаб-қувватлашни давом этади», — деб ёзади Зурабишвили ўзининг Twitter’даги саҳифасига. Столтенберг ўз баёнотини Россия—НАТО йиғишидан сўнг эълон қилганди.
12 январь куни Грузия парламенти спикети Шалва Папуашвили журналистларга Столтенбергнинг баёноти бўйича изоҳ берар экан, Грузия НАТО аъзосига айланишни исташини маълум қилган ва унинг сўзларига кўра, ушбу масала фақатгина Грузия ва НАТОга тааллуқли.
«Грузин халқининг конститусия билан мустаҳкамлаб қўйилган метин иродаси маълум. Грузия НАТО аъзоси бўлишни истайди. Бундан ташқари, НАТО аъзолари Грузия альянсга қўшилишини қатъий хоҳлайди. Шундай келиб чиқиб, бу ўз-ўзидан амалга ошади», — дейди Папуашвили.
Аввалроқ Россия ва АҚШнинг хавфсизлик кафолатлари бўйича Женевада бўлиб ўтган маслаҳатлашувларида НАТОни шарққа томон кенгайтирмаслик масаласида келишувга эришилмагани тўғрисида хабар берилганди. НАТОни кенгайтирмаслик ва бунга қонуний кафолатлар олиш мавзуси АҚШнинг жиддий эътирозларига сабаб бўлган.
Изоҳ (0)