“PSJ” futbolchilari Maurisio Pochettinoning ish uslubidan qoniqmayapti. “Real”ga qarshi o‘yin oldidan shubhalar ortib bormoqda

“PSJ” futbolchilari bosh murabbiy Maurisio Pochettinodan norozi bo‘lmoqda.

Parij jamoasi kiyim almashtirish xonasidagilar bosh murabbiyi Maurisio Pochettinodan norozi bo‘lmoqda, deb yozadi Sports.fr nashri jurnalisti Abdella Bulma.

Manbaning xabar berishicha, jamoaning aksariyat futbolchilari argentinalik mutaxassisning ishlash uslubini tushunmayapti. Murabbiyning o‘yinlarga yondashishi va uning falsafasi futbolchilarni ishontira olmayapti.

Chempionlar Ligasi 1/16 finali doirasida 16-fevral kuni bo‘lib o‘tadigan “Real”ga qarshi uchrashuv oldidan parijliklarda shubhalar ortib bormoqda.

Qayd etish kerak, “PSJ” Liga 1 ning so‘nggi 5 o‘yinidan 4 tasida durang o‘ynadi. Shunga qaramay jamoa Fransiya chempionatida yetakchilik qilmoqda. Parijliklar eng yaqin ta’qibchisidan 11 ochkoga ilgarilab ketgan.