Kiprda mahalliy olimlar koronavirusning yangi nusxasi paydo bo‘lganini ma’lum qildi. Bu haqda “RBK” xabar bergan.
Kipr universiteti professo Leontios Kostrikis Sigmalive telekanaliga bergan intervyusida shtammning 25 ta namunada aniqlangani, uning genetik asosi “delta” hamda bir vaqtning o‘zida “omikron” xususiyatlariga egaligini qayd etgan. Virusning yangi turi “deltakron” nomini olgan.
“Biz boshqa shtammlardan keskin farq qiluvchi “omikron”ga o‘xshash bir qator mutatsiyalarni topdik, uning genomi 30 xil turli mutatsiyalarga ega. Ular orasida 10 tasi yuqorida eslab o‘tilgan namunalarda aniqlangan”, — deya tushuntirish bergan olim.
“Deltakron” aniqlangan 25 kishidan 11 nafari kasalxonaga yotqizilgan va shifokorlar nazorati ostida davolanmoqda.
Olimning so‘zlariga ko‘ra SARS-CoV-2 ning yangi variant qay darajada yuqumli ekanligi borasida bir nima deyish qiyin, biroq uning taxmin qilishicha shtamm bemorni bezovta qilmaydi va uni “omikron” organizmdan chiqarib tashlaydi.
Koronavirusning yangi — B.1.1.529 turi — ilk bora 2021-yil noyabr oyida Janubiy Afrikada aniqlangan. Jahon sog‘liqni saqlash tashkiloti mazkur shtammni bezovtalik chaqirish xususiyatiga egaligini qayd etib, unga “omikron” nomini bergan. JSST ma’lumotlariga ko‘ra mazkur shtamm bilan kasallanish holatlari 100 dan ortiq mamlakatlarda kuzatilgan.
JSST bosh direktori Tedros Adxan Gebreyesus 2021-yil dekabr oyida “omikron”ning avvalgi shtammlarga nisbatan tezroq tarqalayotgani, koronavirusga qarshi emlanganlar ham, avval kasallanib tuzalganlar ham uni yuqtirib olayotganini ta’kidlagan.
Mavzuga doir: “Omikron” yengil kechadigan kasallik emas — JSST
Avval butun dunyoda koronavirusga chalinganlar soni 300 milliondan oshgani, Hindistonda “omikron” shtammidan birinchi o‘lim qayd etilgani, Italiyada 50 yoshdan oshganlar uchun COVID-19 ga qarshi majburiy emlash joriy qilingani, Janubiy Koreyada “omikron” bilan bog‘liq dastlabki o‘lim holatlari kuzatilgani haqida xabarlar berilgan.
Izoh (0)