Meksika tashqi ishlar vaziri Marselo Ebrard AQSh hukumatiga g‘arbiy yarimsharda Yevropa Ittifoqiga o‘xshash tashkilot tuzish imkoniyatini ko‘rib chiqishni taklif qildi, deb xabar beradi “Kommersant”. U 35 ta davlat a’zo bo‘lgan Amerika davlatlari tashkilotini eskirgan deb hisoblamoqda.
“Meksika AQShga Yevropa Ittifoqiga o‘xshash tashkilotni tuzish uchun harakatlanishni taklif qildi. Amerika davlatlari tashkiloti juda eskirib ketdi. Shu sababli boshqa narsa tuzish taklif etildi, ammo bu Lotin Amerikasi va Karib havzasi mamlakatlarining birgalikda ko‘rsatadigan kuchiga bog‘liq. Agar birdam bo‘lsak, buni uddalaymiz”, — deydi meksikalik diplomat.
Ta’kidlanishicha, Meksika tomonidan bunday taklif birinchi bor berilmayapti. 2021-yilning iyulida Meksika prezidenti Andres Manuel Lopes Obrator Lotin Amerikasi va Karib havzasi mamlakatlarining TIV rahbarlari ishtirokida o‘tkazilgan sammitda Yevropa Ittifoqiga o‘xshash mintaqaviy ittifoqni tuzish imkoniyatini ko‘rib chiqish taklifini bildirgandi.
Eslatib o‘tamiz, 2021-yilning martida AQSh prezidenti Jo Bayden va Meksika prezidenti Andres Manuel Lopes Obrador virtual tarzda bo‘lib o‘tgan uchrashuvda migratsiya sohasida hamda o‘zaro va mintaqaviy rivojlanishga ko‘maklashish bo‘yicha birgalikdagi sa’y-harakatlarni ilgari surish bo‘yicha hamkorlik qilishga kelishib olgan edi.
Izoh (0)