Pokistonning Panjob viloyatidagi Murri shahrida kuchli qor yog‘ishi va bo‘ron boshlanishi oqibatida avtomobillar ichidagi odamlar sovuqda qolib ketdi va 20 nafardan ziyod kishi halok bo‘ldi. Bu haqda BBC xabar tarqatgan.
Mahalliy hukumat vakillari 21 nafar odamning qor va sovuq havo tufayli halok bo‘lgani, mingga yaqin avtomobil qor ostida qolib ketganini tasdiqlagan. Ayni vaqtda shahar falokat hududi deb e’lon qilingan.
Qayd etilishicha, bir necha kun ichida kuchli qor bo‘ronini ko‘rish uchun Murriga 100 mingdan ziyod avtomobillarda minglab sayyohlar kelgan.
Avval Yaponiyada rekord darajadagi qor bo‘ronlari kuzatilgani, 3200 dan ziyod oila elektr ta’minotidan uzilib qolgani, Tokioning o‘zida 200 nafardan ziyod odam jabrlangani, hukumat fuqarolarga zarurat bo‘lmaganida uydan chiqmaslikni tavsiya etgani haqida xabar berilgandi.
Shuningdek, 2021-yil dekabr oxirida Turkiyada ham tog‘li hududlardagi qishloq uylari qor ostida qolgan. Tor ko‘chalardan qishloqlar hududiga maxsus texnikani o‘tkazishning imkoni yo‘qligi, mahalliy aholi belkuraklar bilan o‘z uylarini qor ostidan chiqarishni boshlagan.
Izoh (0)